Herzlich Willkommen

Wir freuen uns, dass du unsere Website besuchst.
Unser Verein ist gemeinnützig. Die Hauptaktivität ist das vielseitige Kursprogramm. An unseren Kursen und Ausflügen sind alle herzlich willkommen - auch Männer.

Lies mehr über uns - den wertvollen, besonderen Verein.

"Landfroue oder Countrylady, was söll äch das jetz wieder sy

di einte kennt me guet, die angere ghöre id Prärie,

besser isch's doch zum Bewährte z'stoh

u sich nid mit moderne Title ume z'schloh.

Tüe mir's nid vergässe, wieso das äs d Landfroue git

dennzumal, im letschte Johrhundert i dr Krisezyt

hei d Froue gseh, dass me nume mitenang

viu Guets cha tue fürs ganze Land.

Uf d Wiehnachte währet em Chrieg hei si de Soldate

Päckli gmacht mit warme Socke u viune liebe Charte

u i mängem Hushalt het dür seie e Ushilf Entlaschtig brunge

u derby het no hie u do ä Hächu äs Schätzi gfunge.

Z Vergangne alls e chli in Ehre

am Neue aber cha me sich äbe nid erwehre

drum muess me eifach Wäge finge

Bewährts u Neus i Eiklang z bringe.

Walzer, Schottisch oder Fox sötte nid verlore gah

u jetz biete d Landfroue Linedance-Kurse a

ja z Neue reizt haut, das isch scho früecher eso gsy

ehrlech gseit, dä Rhythmus u d Bewegig fahre äbe richtig i.

U we me a d Landfrouechuchi im Fernseh dänkt

wi viu Ufmerksamkeit het die Sändig uf sich glänkt

viellicht isch's jo höchschti zyt

dass me merkt, dass äs nid nume Fastfood git.

Äs wird sicher gäng neui Herusforderige gäh

wo me muess bewältige, oder i Agriff näh

drum wei mir doch wi früecher zäme stah,

dass mir mitenang Fröid u Befriedigung chöi ha."